龍蝦大餐

今日有人拖咗成箱龍蝦返歸~~~~二十磅有九大隻，送走五隻給朋友，剩下嘅就開始跟佢搏鬥~~~

黑椒磨菇漢堡扒

黑椒磨菇漢堡扒係Yblog時期Samwei處偷師，不過Samwei夠瀟灑將所有綱誌消除差點搵唔返個譜，好彩之前介紹給妹妹試，佢有保留個食譜!

今日配紋粉紐都唔錯過！

香茅雞、薯角

 

自家煮好處就係可以自由發揮、改頭換面、天馬行空~~~

廚房雜記

 

話說秋風起最好食臘味~~~!
見雀后生炒臘味糯米飯~~~又想食喎^^平時我都係懶人版，糯米浸洗好用電煲煮好再同炒好的配料混好!
  

焗酥皮三文魚、香煎蝦沙律+椰香芒果糯米飯

三文煎、蒸、焗都都方便又好食⋯⋯不過太簡單又好似無乜誠意

見涼粉子整三文漁批⋯嘩食指大動

本來買現成酥皮就乾手淨腳⋯不過又來做阿茂!事實真係唔多掂⋯太軟太黏⋯
所以美麗外表當然欠奉
材料搭救味道梗掂掂⋯

香煎蝦有機菜沙律⋯簡單清新!

芒
果大造⋯又平又靚、一箱(20隻)八蚊有找,大大隻(16隻一箱)價格從$9.99降至8元⋯唔賣對唔住自己有兩箱存貨⋯

整個芒果糯米飯做尾枱,!!個個食到"lam lam"脷

刀削麵

喜歡刀削麵彈牙有𡁻頭⋯

未食過這刀削麵條，今日做個簡易午餐⋯

菠蘿雞⋯炒飯^^

上星期超市菠蘿大平賣⋯$1.69一大個拎咗兩個返歸⋯
不過其實我好懶批菠蘿⋯放咗幾日都無動力去整!

巡blog見TnP整足料泰式菠蘿雞粒炒飯!咁我又跟囉

紅豆~~~相思?

之前蒸煮咗半包紅豆餡⋯諗頭多多不過又無從入手，再唔整就要棄置堆肥箱啦⋯⋯速速解決佢

T n P 食譜^^

T & P係美食泉源有冇煮意只要遊一遊佢個blog一定有餸啱食啱煮

蘿蔔Kimchi

Samwei 嘅蘿蔔Kimchi見到好正好唔難喎咁我又整仲加咗小小韭菜!一杯即食杯麵加些爽甜惹味嘅蘿蔔Kimchi 當堂升呢晒⋯

又見王子用啲鬼佬蘿蔔仔代替白蘿蔔顔色亮麗咁我又有再整⋯一樣爽口美味!

Garlic City

灣區呢幾日天氣都非常明媚，而往南下的蒜頭之鄉 - Gilroy 就更加暖和!
Gilroy 每年夏天都有個盛大的Garlic Festival, 展售各式各樣嘅蒜頭食品，下次要去湊湊熱鬧！今日除咗shopping 外先去試下蒜頭雪糕同蒜頭奶油湯!係網上搵到間評分非常高嘅cafe係downtown只離outlet 5分鐘車程，血拼完一輪就來補充補充能量!

Signature garlic soup可能係人人必點所以我哋1點半到湯已經售馨，無緣試味添不過三文治蒜粒薯條都非常美味，反而蒜頭雪糕就麻麻因太甜! 食飽飽肚漲漲荷包又輕輕了⋯趕在繁忙嘅下班時間前回歸!

醬炆排骨

最鍾意煮啲唔使事先醃一段時間嘅餸，因為放工即買即煮最方便!
T n P呢個醬炆排骨又方便又好味~~~小心友一個人食咗大半碟!!

廚房習作

豆記嘅上海糯米燒賣引發起我興趣⋯記得上次去上海係街邊的小檔都有大大粒嘅糯米燒賣，不過好似無試過因太多小吃要食另外太大粒感覺好膩!今次呢個板斧細粒精巧些(雖然我嘅出品唔係好精緻)

一于就動手!材料可適隨各喜好!用咗臘肉臘腸碎(懶惰),冬菇，菜甫同雞肉切粒⋯香蔥末不可小!!
蒸好要即刻食唔係水餃皮硬咗就唔好吃啦⋯琴日抬返來嘅純味豆漿加咗蝦米，炸菜粒同蔥花成美味咸豆漿!

一飯兩吃---美味可口的糯米飯!!

 順便蒸埋姜汁年糕同椰汁年糕，不過個樣唔夠油滑

早個幾星期前嘅劣作:

南美大芋頭都好粉不過就係無檳郎芋咁香⋯不知點解唔見有檳郞芋!

芋絲糕⋯簡單工序相比芋頭糕蘿蔔糕要快得多!沾雙芝麻煎超香脆(翠兒blog友處偷師)

芋頭糕每次飲茶必食⋯一碟無幾多粒(切粒X〇醬炒)係特點-$5.5

香煎蛋魚餅

香煎蠔餅係我飛費不過蠔仔難求，見blog友煎魚餅，簡單方便我又要煎煎

低脂周打海鮮魚湯

 

礶頭周打蜆湯吃得多,周打海鮮魚湯又簡單又無咁肥,
自從有呢個譜譜之後⋯礶頭當然要閃避!

脆卜卜豬腩仔~_~